Ka punuar shumë për të gjetur rrugën e fitores dhe ia ka dalë falë fuqisë vokale. Vajza “surprize” tregon prapaskenat.
Kejsi Tola është fituese e edicionit të katërt të “Etheve”. Pas një beteje të gjatë dhe të vështirë, vajza vlonjate ka triumfuar mbrëmjen e së dielës në sallën e Teatrit Kombëtar të Operës dhe Baletit. Gjatë gjithë këtyre javëve në skenë, Kejsi Tola ka ecur me një ritëm dhe njëkohësisht me një personalitet artistik që e dallonte qartë nga të tjerët, çka ka bërë që ajo të lërë mbrapa konkurrentët e tjerë. Mes konkurrencës së fortë me Dorina Garucin, ajo arriti të triumfojë mbrëmjen e së dielës. Ka punuar shumë për të gjetur rrugën e duhur drejt fitores. Mesa duket, nuk i është dashur të përdorë ndonjë strategji të veçantë apo kompromis tjetër, pasi fuqia e zërit të saj ka folur vetë. Përballje e ashpër, e fortë, e pamëshirshme, me gjithë forcën dhe energjinë e gurmazit, një sprovë që ka treguar qartë aftësitë e Kejsit. (more…)
Kush janë këngëtaret nën moshën 18 vjeçare që kanë pushtuar ekranet e Shqipërisë.
Nuk i kanë mbushur ende të 18-at për t’u quajtur vajza mazhorene dhe sërish kanë guxuar të marrin pjesë nëpër festivale të rëndësishme, që edhe një këngëtar i rritur do të mendohej gjatë përpara se të vinte këmbët në skenë. Kjo ndodhi edhe me Olta Bokën, vajzën që sapo ka mbushur 16 vjeçe e që në festivalin e fundvitit në RTSH la pas edhe profesionistët e muzikës. Hera e parë rezultoi edhe si një ogur i mirë për vajzën e vogël që kishte provuar të këndonte vetëm në festivale për fëmijë. “Kam marrë pjesë shpesh nëpër aktivitete fëmijërore dhe dalja në këtë festival mund të them se ishte një rastësi. Nuk e prisja çmimin e parë, duke e ditur që atje konkurronin edhe emra të tjerë të mëdhenj, ndaj dhe frika që kisha atë natë ishte e justifikueshme. Mendoj se nuk ishte vetëm talent, por edhe fat”, thotë Olta. Një vajzë ende e parritur si ajo ka gjithnjë nevojë për kujdesin prindëror. (more…)
Pas përfundimit të spektaklit, flasin fituesja Kejsi Tola dhe dy Dorinat.
Kejsi Tola: “Qava kur përqafova Garucin”.
Dorina Garuci: “Vendi i dytë?! Mirë dhe jo mirë”.
Dorina Xërxa: “Jam më tepër rrok, se pop”.
Për Dorina Xërxën, “Ethet” kanë qenë vërtet një eksperiencë e bukur, gati si një lloj pikniku eksplorues në zona të panjohura dhe çlodhës njëkohësisht. Temperamenti i saj tërësisht sportiv nuk e lejon t‘i vendosë vetes barra të rënda psikologjike apo ankthe mbi fatin e saj. I mjafton një siguri mbi veten; një bindje se di të bëjë diçka dhe madje shumë mirë. Mbrëmë ajo ishte e eliminuara e fazës së parë të finales, pasi u kishte “mbijetuar” disa nominimeve, por që gjithmonë ia kishte dalë të mos ishte ajo që duhej të largohej. Mbrëmë nuk ndodhi kështu, por asgjë nuk ka ndryshuar në temperamentin e saj prej “macke të lezetshme”. Ja si shprehet për veten vajza nga Gjakova, e cila ndjek studimet e mesme për matematikë dhe informatikë?
Si është lidhja juaj me këngën?
Që e vogël më ka shoqëruar një prirje për të kënduar, por në skenë nuk isha ngjitur ndonjëherë, pasi aktiviteti im si këngëtare është zhvilluar deri më sot nëpër lokale, ku interpretoj live. (more…)
Ka kohë që nuk janë parë të këndojnë bashkë, dhe publikun e gjithë fansat e tyre i kishte marrë malli t’i shihnin sërish. Dy motrat, Irma dhe Eranda Libohova janë gjendur në skenë, duke kthyer nostalgjinë tek shikuesit ditën e shpalljes së Pavarësisë së Kosovës, datë në të cilën një koncert madhështor u organizua në qendër të Tiranës, në sheshin “Skënderbej”.
Kanë kënduar këngë të repertorit të tyre të përbashkët, ritme që sollën mjaft energji dhe publiku këndonte bashkë me to. Duke shprehur entuziazmin për shpalljen e Kosovës si shtet i pavarur, Irma dhe Eranda kishin pikturuar edhe faqet për t’iu përshtatur atmosferës së festës, bashkë me mijëra shqiptarë të tjerë.
Shpallet fituesja e edicionit të katërt të Etheve: ajo është Kejsi Tola. Kejsi mori 4692 vota nga Shqipëria dhe Kosova. Një performancë te shkëlqyer pati edhe vajza që mori cmimin e dytë, Dorina Garuci. Ndersa vendin e trete e mbajti vajza nga Gjakova, Dorina Xerxa. Por sic dihet, në gara të tilla ka gjithmonë vetëm një të parë. Stafi i AlbanianSound.com i uron të gjithë finalistëve suksese!
Tre etheistet rrëfejnë emocionet para natës finale.
Janë të treja shumë të reja, por të sigurta drejt mbrëmjes finale. Dorina Xërxa, Kejsi Tola dhe Dorina Garuci janë tashmë vajzat finaliste të spektaklit “Ethet”. Ndërsa i gjejmë duke punuar në studiot e Top -Albania Radios,duke lënë mënjanë modestinë ato nuk e mohojnë dëshirën dhe synimin, për të triumfuar mbrëmjen e së dielës në sallën e Teatrit Kombëtar të Operas dhe Baletit. Gjatë gjithë këtyre javëve në skenë janë përpjekur të japin më të mirën dhe njëkohësisht të ndërtojnë personalitetin e tyre artistik, për të fituar më shumë se zemrën e jurisë, votat e tyre, të cilat vendosin për më të preferuarën.Por cila prej tyre është më pranë fitores?
Nëse do t’iu referohemi fjalëve të vajzave, duhet të themi që secila ka shanse të barabarta. Nëse do t’i referohemi punës dhe talentit të tyre, duhet të themi të njëjtën gjë. Janë duke punuar shumë dhe dukë kërkuar strategjitë me të cilat mund të shpallen fituese. Është një garë në të cilën duhet të pranojmë se ka edhe shumë egoizëm.Pavarësisht se marrëdhëniet mes tre finalisteve janë shumë të mira dhe ato shprehen, që janë mikesha mes tyre, por kur vjen çështja tek nata finale, përgjigja është e njëjtë nga të treja: “Do doja të isha unë fituesja”. Sepse të gjitha kanë shkuar aty për të fituar. Prejardhjet e tyre janë të ndryshme.Dorina nga Kosova, Kejsi nga Tirana dhe Dorina tjetër nga Shkodra. (more…)
Reagimit i këngëtarit Shpat Kasapi, pas publikimit të fotove, në shtrat me dy meshkuj.
Publikimi i disa fotove të këngëtarit Shpat Kasapi në shtrat me dy meshkuj të tjerë nga një e përjavshme në Tiranë do të bëhej objekt bisede gjatë ditëve të muajit shkurt në shumë ambiente. E për më tepër komenti që i përfshinte ata në skena erotike do të ishte edhe më i çuditshëm. Për herë të parë këngëtari flet duke rrëfyer të vërtetën e natës 9 shkurt, ku ai gjendej në Tiranë për një koncert. Arsyet përse gjendej në shtrat me dy meshkuj dhe përgënjeshtrimi i gjithë akuzave të tjera të hedhura mbi të.
Këto ditë në një revistë të përjavshme të Tiranës kanë dalë disa foto për atë natë, që ju keni qeni i ftuar në një club. Si qëndron e vërteta? Po kam qenë në Tiranë në datë 9 shkurt nga një festë që më është bërë nga club “Oaziz”. Ja kalova shumë mire, si në çdo koncert tjetër. S’kishte asnjë gjë të veçantë. Përse e keni fjalën? Ka pasur disa foto që janë botuar në këtë revistë, ku ju ishit në shtrat me dy meshkuj të tjerë? Në shtrat…!!! Kam qenë në një dhomë me shoferin dhe mikun tim. Asgjë më shumë pasi nga klubi u kthyem vonë dhe të lodhur por prapë nuk po kuptoj pyetjen tuaj. (more…)
