Këtë herë shfaqet shumë ndryshe. Një zonjushë rreth të 25-tave, me një veshje glamuroze të viteve ’70. Elvana Gjata ka lançuar në treg klipin e saj më të fundit, “Nuk janë më!”, një material muzikor që mban firmën e Florian Mumajesit dhe që ka korrur sukses që në ditët e para të shfaqjes. E duke mbetur tek Flori, për të parën herë, Elvana rrëfen të vërtetën e marrëdhënies së saj me Florin, kjo e fundit shumë e përfolur prej kohësh.
Sapo ke lançuar klipin tënd më të fundit. Një klip disi ndryshe nga të tjerët. Diçka më shumë rreth realizimit të këngës, klipit dhe cilët janë bashkëpunëtorët?
Më është dashur një kohë e mirë për t’u kthyer sërish me një punë të re. Është sërish një kompozim dhe orkestrim i Florit. Të dyve na ka tërhequr vëmendjen rikthimi i muzikës së viteve ‘80 në mbarë tregjet muzikore botërore, dhe na frymëzoi të krijonim këtë këngë. Gjithashtu, pamë që kjo gjë nuk ka hyrë ende mirë në Shqipëri, dhe pse jo të ishim nga të parët që e lëvrojmë këtë tendencë. Duke qenë se kemi qenë gjithmonë të kënaqur nga bashkëpunimet e Kosovës, kemi bashkëpunuar sërish me produksione kosovare, këtë herë me ‘Entermedia’. (more…)
I zgjodhi për fushatën për kryetar bashkie dhe fitoi. Mbase janë të mbarë tre djemtë e grupit “West Side Family”, për kryetarin e Partisë Socialiste, Edi Rama. Tani që po afrohen zgjedhjet 2009 në qershor, kanë filluar përgatitjet për këngën e fushatës së PS-së. E ka shumë të ngjarë që të jetë një realizim që do të këndohet nga ky grup, dhe krijuar nga kompozitori Klodian Qafoku. Edhe pse këngëtarët kanë preferuar ta mbajnë të fshehtë, thuhet se do të jenë pikërisht Flori, Landi dhe Miri, ata që do të këndojnë “himnin” e fushatës zgjedhorë 2009 të Partisë Socialiste. (more…)
Këngëtari Florian Mumajesi është sjellë keq gjatë xhirimeve të klipit të këngëtares Elvana Gjata, pasi nuk ka lejuar fotografin e “Express Online” të bëjë fotografi për faqen në internet për arsye se nuk është kontaktuar paraprakisht.” - kështu citohet në të përditshmen “Express Online”. (more…)
Ndërsa është duke u përgatitur trupa, që do të interpretojë në muzikalin “Moulin Roughe”, që pritet të shfaqet këtë fund prill në Teatrin Kombëtar të Operas dhe Baletit lajmi që po u servirim do t’ju çudisë jo pak. Pikërisht kantautori Florian Mumajesi, ishte përzgjedhur të shoqëronte Elsa Lilën në këtë shfaqje të madhe.
Pas testimit të tij dhe regjistrimit të disa këngëve të pjesës, producentët e kanë hequr Mumajesin pasi zëri i tij nuk i shkonte aspak kësaj vepre. E habitshme në fakt, por mëse e vërtetë. Ndërkohë stafi është ende në kërkim të një partneri për këngëtaren Lila, e cila në këtë muzikal përveç interpretimit të saj mori përsipër edhe përkthimin dhe përshtatjen e këngëve në shqip nga frëngjishtja.
Kalojnë gati gjithë ditën bashkë duke qenë se edhe puna i lidh mjaft. Përveçse shumë të dashuruar me njëri-tjetrin, ata janë
edhe pjesë të familjes së madhe Radio NRG, pas të cilës janë shumë të përkushtuar.
Edhe në këtë festë Soni dhe Flori kanë qenë sigurisht afër njëri-tjetrit, por ajo që të bën më shumë përshtypje teksa i sheh është fakti që nuk largohen për asnjë moment nga njëri-tjetri edhe në rastet që një gjë e tillë ndodh, shoqërohen me sy. Duhen aq shumë, sa në çdo moment e tregojnë afeksionin. Flori i hedh herë pas here dorën në qafë apo tek-tuk këmbejnë edhe ndonjë puthje apo ledhatim.
Është koha kur klipe të reja vazhdojnë të shfaqen çdo ditë në ekranet shqiptare dhe këngëtarët tanë i shohim të eksperimentojnë e të provojnë në rryma të ndryshme.
Por sigurisht, në gjithë prurjet e mëdha muzikore vetëm tek disa prej tyre vlen të ndalesh.
Dhe në fakt, Julka nuk mund të kalonte pa u vënë re. Sepse nga vajza e dikurshme e “Amin”, tek kënga “Gangsta” ajo ka ndryshuar tërësisht. Zëri i ëmbël dhe vajza joshëse janë shndërruar në një femër protestuese, që këndon R&B dhe hip-hop. Sigurisht në këtë mes, përmes dëshirës së Julkës për t’u prezantuar ndryshe është edhe “dora” e Andit, që krijon muzikën. Nuk mungon as ndikimi i Florit, që vazhdon të shfaqet thuajse në të gjitha videoklipet e anëtarëve të grupit të “NRG”, ku duket se kohët e fundit është shtuar edhe Big Basta.
Ndonëse në luk nuk sjell shumë ndryshime të paktën, që nga hera e fundit, kur e kemi parë tek “Kënga magjike”, në mënyrën e të kënduarit Julka është një personazh tjetër. “Është një këngë ndryshe nga ato, ku më keni parë deri tani, megjithatë nuk e ndiej të huaj”, tregon ajo duke mos e mohuar mundësinë e një kënge tjetër në këtë rrymë. Sa për praninë e Florit, Sonit dhe Andit në këtë klip? Ata nuk janë thjesht figurantë, por tregues të marrëdhënieve të mira të grupit. Dhe pse jo, një mënyrë për të kërkuar më shumë sukses.
