Ka qenë e ftuar nderi e një prej lokaleve të njohur në Golem , këngëtarja e njohur kosovare, Genta Ismajli. Bukuroshja ka dhënë një spektakël të vërtetë të premten në darkë, në një nga baret që ndodhen në zonën ku pushuesit janë kryesisht kosovarë.

Fillimisht ajo ka hyrë e shoqëruar nga një prej badigardëve trupmëdhenj, që siç shihet dhe në foto, janë kujdesur që të mos i ndodhë asgjë këngëtares. Më pas ajo ka filluar të këndojë këngë të njohura nga repertori i saj, por edhe nga albumi i fundit, “Zero Zero”. (more…)

Në kohën kur thotë se është më e gatshme se asnjëherë më parë për ta pushtuar tregun muzikor ndërkombëtar, këngëtarja Genta Ismaili ka sjellë albumin e ri për adhuruesit e saj në Kosovë. Këngëtarja ka përsëritur dëshirën e saj se synon që të gjendet në maje të skenave botërore të muzikës, por prapë pa sukses edhe pse ka filluar një bashkëpunim me tekstshkruesen e njohur amerikane, Kara Diougardi.

Genta është shprehur kohëve të fundit për media se në këtë album ajo vjen më profesioniste dhe më e pjekur. Gjithashtu, ajo këndoi këngën e realizuar në versionin anglisht “Planet Me”, tekstin e së cilës e ka shkruar vajza e senatorit amerikan, Joseph Diougardi, Kara.

Burimi: Gazeta Shqiptare

Këngëtarja realizon ëndrrën e saj amerikane me dy koncerte që do të mbahen në muajin maj

Pak kohë më parë, në media të ndryshme u publikua lajmi se këngëtarja e mirënjohur Genta Ismaili, do të nisë së shpejti një turne muzikor në Amerikë. Një gjë të tillë e pohon edhe vetë Genta, e cila po përgatit valixhet. “Kam përgatitur pesë këngë së fundi, katër prej së cilave janë regjistruar në gjuhën angleze në SHBA. Producenti i këngëve të mia është amerikan”. Nga sa mësuam, njëra prej këngëve të saj titullohet “Planet me”, që pritet të lançohet së pari në turneun që do të mbajë këngëtarja seksi. Genta duket më se e vendosur në tentativat e saj për t’u prezantuar në Amerikë. Ajo do të performojë në qytetet ku ka më shumë komunitete shqiptare. (more…)

Është cilësuar gjithmonë si një nga këngëtaret më energjike dhe më të mira që përmban tregumuzikor. Deri më tani të gjithë këngët
e saj kanë qenë në majën e klasifikimeve muzikore, dhe e veçanta ka qenë edhe klipi që i ka shkuar për shtat çdo kënge. Pas gjithë këtyre, i tillë ishte dhe bashkëpunimi i saj me Getoarin, një prej repërave më të pëlqyer të momentit, aq sa publiku dëshironte t’I shihte sërish bashkë. Por këtë herë, Genta Ismajli, vajza simpatike nga Kosova, duket se si ka ‘zhgënjyer’ fansat e saj. U anoncua prej kohësh që ajo po përgatitej për një këngë të re dhe klipin që do e shoqëronte, ndërsa të gjithë ishin kuriozë se ç’do të sillte Genta këtë herë. Nuk vonoi shumë dhe të gjithë në kanalin muzikor ku këngëtarja publikon gjithmonë këngët e saj panë një tjetër Genta. (more…)

Është njohur ngahera nga të gjithë si një femër mjaft energjike ku në çdo vend që shkon, dhe në çdo skenë që prek, e përvetëson duke përçuar në këtë mënyrë ritmin dhe entuziazmin. Duke rrespektuar gjithmonë limitet e saj si këngëtare e për më tepër me një imazh shumë të rregullt skenik këngëtarja Kosovare Genta Ismajli ka krijuar stilin e saj të veshjes dhe paraqitjes që të gjithë e admirojnë.

Nuk ka preferuar ta teprojë asnjëherë me ‘zhveshjen’ apo rrobat tejet seksi, por vetë imazhi i saj ka bërë që të kalojë çdo limit klasifikimi dhe të shndërrohet në këngëtaren më seksi të momentit. Prej kohësh siti në internet www.albaniac.com organizon sondazhin në bazë të klikimeve dhe rezultati është absolut, Genta triumfon duke u klasifikuar në vendin e parë me 32.3% të votimeve duke marrë për vete me qindra e qindra klikime. (more…)