Per foto te Greta Kocit vizitoni galerine duke klikuar KETU!

Tashmë nga familja Koçi ka lindur një tjetër talent, për të cilin të gjithë ndihen mirë. Veç imazhit të mrekullueshëm të Gretës dhe zërit karakteristik të saj, tashmë vëmendja përqendrohet edhe tek Eni, motra e vogël. “Shpresë kërkon nga ti”, është titulli i këngës së parë, e cila pritet të dalë fuqishëm në treg. Në fakt surpriza nuk është vetëm kjo. Shumë shpejt, Greta do të lançojë klipin më të ri, një bashkëpunim me Stinen, surprizë kjo që pritet të zbulohet së shpejti.
Tashmë nga familja Koçi po lind një tjetër talent. Është vajza e vogël Eni. Si u zbulua talenti?
Talenti është e lehtë të zbulohet. Shenjat e para s’diskutohet që jepen që në moshë të vogël. Ashtu siç ka ndodhur dhe me mua, e njëjta gjë ka ndodhur edhe me Enin. Besoj se të gjithëve na ka ndodhur të paktën një herë, që të dalim para pasqyrës dhe të këndojmë, të ndihemi sikur jemi në një skenë gjigande, plot drita dhe përpara një publiku të madh! Kështu ndodhi dhe me Enin dhe ne si familje e dëgjonim dhe arritëm të vinim në dukje veshin muzikor absolut që ajo kishte dhe pasionin e dashurinë e madhe për muzikën. Tashmë ka ardhur momenti ku Eni duhet të prezantohet përpara një publiku më të gjerë dhe jo më në festivalet e fëmijëve ku merrte pjesë, madje vlerësohej me çmime. (more…)

Eshtë e motra Eni Koçi, 12 vjeçe, e cila në gusht pritet të bëjë lançimin e bujshëm.

Mesa duket në rastin e dy motrave Koçi vërtetohet plotësisht shprehja “Bëj mama të të ngjaj”. Afërdita, e ëma e këngëtares shumë të pëlqyer për momentin, Greta Koçit, e cila e do shumë këngën, madje ka edhe vetë një zë të mirë, ka besuar gjithmonë, që po të punojë shumë e bija një ditë do të bëhet këngëtare shumë e mirë, dhe ia ka dalë. Greta e cila u shfaq për herë të parë në publik rreth katër vite më parë tek programi “Ethet”, gjeti shtigje të tjera për t’u lançuar si këngëtare.

Që në fillim zgjodhi këngë të mira për të hyrë në treg dhe suksesi nuk vonoi. Kompozimet e reja dhe klipet e herë pas hershme bënë që vajza shkodrane edhe pse në moshë të re, të spikasë në tregun e tejmbushur me këngëtarë. Aleatët e saj në këtë sukses kanë qenë prindërit, të cilët e shoqërojnë në çdo aktivitet. Dhe ja ku është sot, në prag të shtatëmbëdhjetë vjetorit të saj, me një album të suksesshëm dhe disa klipe që kanë tërhequr gjithmonë vemendjen për idenë dhe performancat e këngëtares. (more…)

Dyndje njerëzish për të ndjekur koncertin live. Kengetarja fal 5 milione leke ne ndihme te familjeve te prekura nga tragjedia e Gerdecit.

Prej disa javësh është e angazhuar me turneun e saj në mbarë Shqipërinë dhe koncertet, për hir të së vërtetës kanë një sukses të jashtëzakonshëm. Në të gjitha vendet ku ka shkelur dhe përmendim këtu: Laçin, Rrëshenin, Burrelin, Shijakun, Kavajën, Patosin, Librazhdin e së fundmi Peqinin, publiku ka qenë ‘i etur’ për ta ndjekur, këtë e ka treguar edhe fakti që shumë persona kanë mbetur jashtë ambienteve ku zhvillohej spektakli, pasi nuk u pajisën dot me biletë. Greta ndihet mirë, është në lulëzimin e suksesit të saj dhe ajo çka dëshiron më shumë, është që të kënaqë fansat e saj. E prekur nga tragjedia e rëndë që ndodhi në Gërdec, Greta është ndër të paktat këngëtare që dhuron një shumë të konsiderueshme parash në ndihmë të familjeve në nevojë, të prekur nga tragjedia. Dhe nuk janë pak, por plot 5 milionë lekë. (more…)

Ka nisur një sërë turnesh në të gjithë vendin, këngëtarja Greta Koçi. Në fakt, kjo duket se është mënyra më e mirë, që ajo ka zgjedhur për të qenë pranë publikut dhe fansave të saj, në fillim të muajit mars. Dhe qëllimi është për të shkelur thuajse në çdo qytet të vendit, duke organizuar koncertet live, të shoqëruar nga orkestra dhe një trupë baleti.

Nga prindërit e Gretës, të cilët vazhdojnë të menaxhojnë arritjet artistike të vajzës së tyre mësojmë, se ndërsa gjatë javëve të shkuara këngëtarja ka qenë në qytete të vogla si Patosi, Shijaku apo Kavaja, në projektet e vazhdueshme të Gretës janë edhe disa nga qytetet e mëdha të vendit. Në këtë mënyrë, fansat e këngëtares kanë pasur mundësinë ta ndjekin nga afër në performancën live, por edhe të marrin autografe prej saj. (more…)

Ky është një nga të paktat raste kur këngëtarë të huaj vjedhin këngët e këngëtarëve shqiptarë

Jo vetëm shqiptarët vjedhin, por edhe bullgarët kanë filluar të huazojnë këngët pa asnjë të drejtë. Një gjë e tillë ka ndodhur edhe me këngëtaren Greta Koçi, e cila pretendon se i është “grabitur” krijimi i saj, nga një këngëtare bullgare e quajtur Emanuela. Në vitin 2006 ajo hodhi në treg një këngë me videoklip të titulluar “Njëherë po, njëherë jo”. Pas promovimit në televizionet muzikore shqiptare, Greta vendosi që muzika e saj të dëgjohej edhe në vendet fqinje, e pikërisht në Bullgari.

 Me bindjen për të “shijuar” suksesin  edhe jashtë kufijve të Shqipërisë, këngët e saj transmetohen në televizionin muzikor Tv Ballkanika. Nga ky sukses është munduar të përfitojë edhe këngëtarja bullgare Emanuela, e cila ka pubikuar së fundi versionin bullgar të këngës së Greta Koçit, “Një herë po, një herë jo”. Këngëtarja ka huazuar këtë këngë pa asnjë lloj të drejte autori, madje ka realizuar edhe videoklip, i cili transmetohet në Bullgari. Kjo çështje ka shtuar akoma më shumë suksesin e Gretës në këtë shtet dhe diskutimet rreth saj janë shtuar. Nëpër forume muzikore në internet komentohet më së shumti kënga e cila i është vjedhur Gretës. Mirëpo, faktet tregojnë të kundërtën. Greta e ka publikuar këtë këngë në vitin 2006, ndërsa Emanuela në vitin 2007, pra më vonë. Videoklipi i këngëtares bullgare ndodhet në faqen e internetit “youtube” dhe muzika është kopje e dallueshme qartë e këngës së Gretës. Ky është një nga të paktat raste kur këngëtarë të huaj vjedhin këngët e këngëtarëve shqiptarë.

E shndërruar tashmë në një yll të vërtetë të muzikës shqiptare, sukseset e saj janë të njëpasnjëshme. Kjo, falë talentit të saj dhe punës intensive, të cilët janë përcaktuesit e një karriere të gjatë në këtë fushë. Është mësuar që e vogël me një sukses të tillë, i cili jo vetëm që nuk e ka bërë euforike, por e ka shtyrë të punojë akoma më tepër.

 Ajo çka vlen për t’u theksuar është se këngët e saj janë ndër më të dëgjuarat, duke e pozicionuar mirë në top listën e këngëtarëve shqiptarë. (more…)

Per te shkarkuar kengen klikoni Ketu!

Teksti i kenges:

Greta Koci - Kam Mall

Mbi xham po shuhet
dhe fryma qe le
Ne shtatin e heshtur
ti shpirt me nuk je.

Errësira po vjen
dhe buzet kane frike
Ne boten e ftohte
Mëngjesi agon, ti prape me mungon
Afrohu tek une
Te t’kisha nje cast me shume. (more…)

Kengetarja ka vendosur te performoje live ne qytete te ndryshme, shoqeruar nga nje bande personale dhe staf profesionistesh.

Asnje kengetar gjer me sot nuk ka arritur te beje nje turne neper gjithe qytetet e vendit tone, duke ngelur thjesht nje “skelet ne sirtar” per secilin prej tyre. Siparin e kthimit te kesaj endrre ne realitet duket se e ka ndermarre kengetarja Greta Koci. Se shpejti ajo do te niset ne turne ne qytete te ndryshme te vendit, me nje bande personale dhe nje staf profesional prej 50 vetash, qe do ta shoqerojne kudo me performancat e saj. Nuk eshte mjaftuar me daljet e njepasnjeshme te klipeve dhe kengeve te saj te reja. Edhe pse e re ne moshe, Greta Koci duket se ka gjetur formulen magjike per te qene gjithnje ne qender vemendjes mediatike. Kjo jo fale skandaleve apo thashethemeve te ndryshme, por krijimeve te shumta artistike qe lancon ne tregun muzikor. Por kesaj here prezantohet me e kompletuar, me nje program tanime gati dhe nje tur koncertesh ne gjithe vendin. Qytete si Velipoja, Shengjini, Durresi, Vlora, Saranda, Ulqini, Struga etj., do te kene shansin te ndjekin performancat live te kengetares dhe nje repertor qe do te permbaje rreth 20 kenge. (more…)