Nje anketim ne internet e nxjerr kengetaren e re shume me lart se emra te tjere pretendente.

Sipas një anketimi që ka bërë një sit tepër i klikuar në internet, rezulton që këngëtarja Elvana Gjata të ketë numrin më të madh të votave për femrën më seksi në muzikën shqiptare. Ajo ka lënë pas emra të tjerë të njohur, si Genta Ismaili, Adelina, Zanfina e shumë të tjera. Përpos këtij vlerësimi pozitiv, duket se vetë Elvana në muzikën e saj nuk i mëshon shumë aspektit të pamjes fizike, sepse ajo tashmë është një këngëtare e afirmuar që realizon hite të jashtëzakonshme, që kanë qëlluar në shijet e publikut të kudondodhur. Ndonëse ajo nuk bën pjesë në kategorinë e atyre vajzave që, për hir të komercialitetit, nxjerrin sa më shumë në pah format fizike, sërish Elvana ia ka dalë mbanë që të jetë më e klikuara në anketimin e realizuar, duke u shpallur kësisoj këngëtarja më seksi. Në anketimet e mëparshme janë pozicionuar për dy vjet me radhë Adelina Ismaili ndërsa vitin e tretë e motra e saj, Zanfina.

Burimi: Gazeta Korrieri

Është folur shumë, por asnjëherë ata nuk e kanë pohuar. Një lidhje e fshehtë mes dy këngëtarësh. Pranimi do të bënte vërtet bujë. Por ata vazhdojnë të heshtin. Mirjam Cani këngëtarja nga Elbasani, që jeton në Gjermani dhe djaloshi nga Vlora këngëtari Alban Skënderja janë çifi më i ri i përfolur në botën e muzikës shqiptare. Fjalët kanë kohë që qarkullojnë në ambientet e kryeqyteti, qysh në atë kohë kur Miriami mbërriti në Shqipëri për të interpretuar në një mjuzikëll. Dhe kanë marrë sërish hov falë zhvillimeve të reja që kanë ndodhur mes tyre…

Sinjalet
Sipas “spiunëve”, në verë Miriami erdhi në Shqipëri, duke qëndruar larg vëmendjes së mediave. Me një kapele në kokë, ajo është pritur nga albani në Rinas dhe të dy janë nisur drejt bregdetit të jugut, në zonën e Dhërmiut dhe fshatrave turistikë përreth. Ka qëndruar vetëm pak ditë e po ashtu në konspiracion është rikthyer në Gjermani. Kemi tentuar të pyesim të dy këngëtarët për lidhjen mes tyre. Sipas Albanit ajo është një mike e mirë dhe kolege e pak a shumë e njëjtë ka qenë edhe përgjigjja e Miriamit, e cila në një moment e kanë “tradhtuar” fjalët. Para një viti Miriami ka pohuar se ka pasur lidhje me një muzikant nga Zvicra. Por në një intervistë dhënë për ne, ajo u shpreh se ishte ndarë. (more…)

Kush janë këngëtaret nën moshën 18 vjeçare që kanë pushtuar ekranet e Shqipërisë.

Nuk i kanë mbushur ende të 18-at për t’u quajtur vajza mazhorene dhe sërish kanë guxuar të marrin pjesë nëpër festivale të rëndësishme, që edhe një këngëtar i rritur do të mendohej gjatë përpara se të vinte këmbët në skenë. Kjo ndodhi edhe me Olta Bokën, vajzën që sapo ka mbushur 16 vjeçe e që në festivalin e fundvitit në RTSH la pas edhe profesionistët e muzikës. Hera e parë rezultoi edhe si një ogur i mirë për vajzën e vogël që kishte provuar të këndonte vetëm në festivale për fëmijë. “Kam marrë pjesë shpesh nëpër aktivitete fëmijërore dhe dalja në këtë festival mund të them se ishte një rastësi. Nuk e prisja çmimin e parë, duke e ditur që atje konkurronin edhe emra të tjerë të mëdhenj, ndaj dhe frika që kisha atë natë ishte e justifikueshme. Mendoj se nuk ishte vetëm talent, por edhe fat”, thotë Olta. Një vajzë ende e parritur si ajo ka gjithnjë nevojë për kujdesin prindëror. (more…)

Nuk e kishim dëgjuar zërin e këngëtares Orinda Huta që prej disa kohësh, pasi mediat përfolën nënshtësinë irlandeze të saj.

Duket se kjo ishte një arsye për t’ju shmangur daljeve të tjera nëpër gazeta e televizione, pa harruar edhe faktin që ajo nuk kishte ndonjë projekt në dorë si këngë apo album të ri. Por, pas gjithë këtyre muajve heshtje, Orinda ka vendosur që të bëhet e gjallë. Një këngë e një videoklip i ri që janë realizuar këtu në Shqipëri, do e rikthejnë edhe njëherë lolitën bukuroshe në stacionet muzikore. (more…)