Është padyshim një ndër vokalet më të mirë që ka Shqipëria por jo vetëm. Këngëtarja Ledina Çelo gjithmonë habit me performancat e saj në skenë, nëpër festivale apo koncerte ku është e ftuar ndërsa pamjes së jashtme i kushton një vëmendje të jashtëzakonshme. Trupin e ka gjithmonë në formë dhe dietat janë në maksimum në mënyrë që të mos shtojë asnjë kilogram të padëshi-rueshëm që do të bënte ndryshimin në linjat e saj.

E kur flasim për këto të fundit, gjithmonë janë perfekte, dhe ku mund të duken më mirë sesa në këto foto që “Bluetooth” ka zbuluar. Në këto pamje Ledina është me pushime, ditë relaksi të cilat i ka organizuar me miqtë e saj por në këto foto ajo shfaqet vetëm me njërën prej mikeshave.

Është gjithmonë shumë e vëmendshme që të jetë jashtë vëmendjes së gazetarëve apo paparacëve dhe kujdeset që pushimet t’i bëjë gjithmonë larg vendeve ku qëndron pjesa më e madhe e pushuesve që mund të kenë zgjedhur të njëjtin vend me të. Nuk është se fotot nuk i ka qejf, por ato dëshiron t’i ketë vetëm për vete, foto private që i realizon me të afërm apo miq të saj. Por ja që ne kemi mundur të sigurojmë disa prej tyre ku Ledina duket më e bukur se kurrë. (more…)

Eshtë kthyer sërish në Tiranë. Këtë herë me flokë të prera shkurt në ngjyrë të kuqe dhe sërish elegante. Por më e rëndësishmja me një këngë të sapo përfunduar nga kompozitori i njohur Ardit Gjebrea. Pas qëndrimit për pak ditë ajo do të niset në Budva për të bërë pushimet me prindërit, dhe me motrën më të vogël, me të cilën jetojnë bashkë në Amerikë.

Por tani jo vetëm pushime, pasi të shohësh Aurelën tani në rrugët e Tiranës, nuk përbën më ndonjë çudi. Pas një qëndrimi të gjatë prej gjashtë vitesh në Amerikë, ajo deklaroi se tani e tutje, ardhjet e saj në Shqipëri do të bëheshin mëse të zakonshme. Tani që vjen dhe për punë dhe për qejf, i duhet të qëndrojë më gjatë këtu. E ajo nuk e ka harruar zakonin.

Në çdo rikthim të saj shfaqet gjithmonë me “look” të ri. Sepse tashmë nuk vjen vetëm për t’u çmallur me prindërit e miqtë e saj, por për të qenë në tregun e muzikës njësoj si më parë.
Dhe ajo është e aftë ta bëjë! Sepse suksesin që pati te “Kënga magjike” me këngën e Flori Mumajesit “Hape veten”, është në gjendje ta fitojë prapë.

Burimi: Gazeta Panorama